Иштироки фаъолона дар вохӯрии навбатӣ
Санаи 27 апрели соли 2022 дар маҷлисгоҳи ШВКД -1 дар ноҳияи Рӯдакӣ вохӯрии муовини сардори ШВКД -1 дар ноҳия, Полковники милитсия Шарифзода Рустам бо аъзоёни гурӯҳи ҷавонони “Авангард”-и ноҳия баргузор гардид, ки дар он, аз ҷумла 30 нафар гурӯҳи ҷавонони “Авангард”-и Муассисаи давлатии “Коллеҷи фарҳанги ҷумҳуриявии ба номи П. Бӯйдоқов” таҳти роҳбарии муовини директор оид ба таълим Ҷаъфаров Ҷаъфар фаъолона иштирок намуданд.
Нахуст, Полковники милитсия Шарифзода Рустам ташрифаши аъзоёни гурӯҳи ҷавонони “Авангард”-и ноҳияро ба ШВКД -1 дар ноҳия хайрамақдам гуфт. Номбурда бо маърӯзаи пурмӯҳтаво баромад карда, ба аъзоёни гурӯҳ барои саҳми бузургашон дар баргузории чорабиниҳои мухталифи сиёсиву фарҳангӣ ва корҳои ободони ноҳия баҳои баланд дода, аз ҳозирин хоҳиш кард, ки сатҳи маърифатнокии худро боз ҳам баланд бардоранд ва бо интизоми намуна дар рушди ҷомеаи орому осуда саҳми бештар гузоранд.
Сипас, чанде аз иштирокчиёни вохурӣ ба минбар баромада, таассуроти худро аз ҷамъомади баргузоргардида баён намуданд.