КУМАКИ КОЛЛЕҶИ ФАРҲАНГ БА НИЁЗМАНДОН

КУМАКИ КОЛЛЕҶИ ФАРҲАНГ БА НИЁЗМАНДОН

       Бахшида ба 75-умин солгарди Рӯзи Ғалаба дар Ҷанги Бузурги Ватании солҳои 1941-1945 санаи 8 – уми майи соли равон дар ҳамовозӣ ба сиёсати харйхоҳонаи Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади кумак расонидан ба ниёзмандон бо ташаббуси директори Коллеҷи фарҳанги ҷумҳуриявии ба номи П.Бӯйдоқов Абдурҳимзода Идрис аз ҳисоби даромади маблағҳои муассисаи таълимӣ ба пайвандони эҳтиҷманди ду оилаи иштирокчиёни ҶБВ дар ноҳияи Рӯдакӣ кумаки молиявӣ расонида шуд. Аз ин иқдоми роҳбари муассисаи таълимии соҳаи фарҳанг аҳли хонадон хурсанд гардиданд.

АМАЛИ БЕЗАРАРГАРДОНӢ ДАР КОЛЛЕҶИ ФАРҲАНГ

                          Амали безараргардонӣ дар Коллеҷи фарҳанг

          Саннаи 13-уми майи соли равон бо дархости директори Коллеҷи фарҳанги ҷумҳуриявии ба номи П. Бӯйдоқов Абдураҳимзода Идрис аз тарафи ниҳоди дахлдори ноҳияи Рӯдакӣ барои безараргардонӣ ва пешгирӣ

 кардан аз паҳншавии бемории короновирус COVID -2019 дар Коллеҷи фарҳанг корҳои безараргардонӣ гузаронида шуд. Тамоми ҳудуди муас

сисаи таълимӣ, синфхонаҳо, утоқҳои кории таълимгоҳ безарар гардонида  шуд.

           Қайд кардан ба маврид аст, ки пештар аз ин ҳам аз ҷониби кураторони тамоми гурӯҳҳо дар синфхонаҳо маводҳои пешгирикунада аз паҳншавии беморӣ, аз қабили ниқобҳо,  доруворӣ ва дигар корҳо ба анҷом расонида шуда буд.

ЧОРАБИНИИ “САД РАНГИ ЧАКАН” БА ТАВРИ ХОТИРМОН ГУЗАШТ

 Чорабинии “Сад ранги чакан” ба таври хотирмон гузашт

           Саннаи 16 апрели соли 2020 дар толори  муаассисаи давлатии Коллеҷи фарҳанги ҷумҳуриявии ба номи П. Бӯйдоқов бо иштироки устодон ва донишҷӯён чорабинии маърифатию адабӣ таҳти унвони   “Сад ранги чакан”  баргузор гардид. Дар  аввал донишҷӯдухтарон либосҳои миллӣ, аз ҷӯмла куртаи  чаканро ба намиш гузоштанд, ки ҳозирин  бо зебогии либосҳои миллӣ ва зиннати гулдӯзӣ бори дигар аз наздик шинос шуданд.

          Сипас, аз тарафи донишҷӯёни ихтисоси таълими мусиқӣ оҳангҳои дилнавоз ва сурудҳои пурмаънӣ иҷро намуда, ба чорабинӣ шукӯҳи дигаре зам намуданд.

        Бояд иброз намуд, ки бо мақсади арҷ гузоштан ба дастовардҳои фарҳанги миллӣ, аз ҷумла  ҳарчи бештар  муаррифӣ  намудани  чакан ва ҳунари гулдӯзӣ директори таълимгоҳ Абдураҳимзода Идрис таваҷҷӯҳи  хоса  зоҳир менамоянд.

Муовини деректор оид тарбия Шарипова Шаҳло, ки масъули ин чорабиннӣ  буд, зимни суҳбат бо мо мақсади баргузории маҳфилро чунин баён кард: “Яке аз вазифаҳои мо омӯзгорони таълимгоҳ  ин пеш аз ҳама тавассути баргузор намудани чунин чорабиниҳо бедор кардани ҳисси ватандӯстӣ,  ифтихори миллӣ ва тарғиби либосҳои миллӣ дар байни дорнишҷӯён мебошад”.

  Миралӣ Воҳидов

Вохӯрии табибон бо устодону донишҷӯёни Коллеҷи фарҳанг

Айни замон дар аксарияти давлатҳо одамон ба бемории сироятии COVID-2019 гирифтор шуда, баъзе аз гирифторони ин беморӣ ҷони худро аз даст дода истодаанд.

Дар Тоҷикистон хушбахтона то ҳол ягон  ҳолати гирифторшавӣ ба ин беморӣ ба қайд гирифта нашудааст. Барои пешгирӣ кардан аз пайдоиш ва паҳн шудани коронавируси COVID-2019 дар Тоҷикистон корҳои фаҳмондадиҳӣ хеле хуб ба роҳ монда шудааст.

Аз ҷумла, саннаи 7-уми апрели соли 2020 бо дастгирии директори Коллеҷи фарҳанги ҷумҳуриявии ба номи П. Бӯйдоқов Абдураҳимзода Идрис дар толори муассисаи таълимӣ бо ҷалби табибони ноҳияи Рӯдакӣ ва бо иштироки устодону донишҷӯён ҷамъомад баргузор гардид.

Зимини баромадаш табиби оилавӣ аз Маркази саломатии ноҳияи Рӯдакӣ Мавлудаи Аваз оид ба пешгирӣ, ташхис ва табобати коронавируси COVID-2019 ба ҳозирин маълумот дод.

Табиб, сироятшиноси Маркази саломатии ноҳияи Рӯдакӣ Баҳодур Сафаров низ баромад карда, иброз намуд, ки тавсияҳои табибонро, ки  барои пешгирӣ кардани аз пайдоиш ва паҳншавии ин беморӣ ба аҳолӣ дода мешаванд, ҳатман риоя намоем, то ин ки дар ҷумҳуриямон гирифторшавии одамон ба ин беморӣ  пайдо нашавад.

Дар охир доир ба ин беморӣ байни ҳозирин ва табибон саволу ҷавоб шуда гузашт.

В. Миралӣ

ДОНИШҶӮЁНИ  КОЛЛЕҶИ ФАРҲАНГ БАРОИ ИШТИРОК ДАР ОЗМУН ОМОДААНД

              Ба ифтихори ҷашни 30-солагии Истиқлолияти давлатии Ҷумҳурии Тоҷикистон мутобиқи Амри Президенти Ҷумҳурии Тоҷикистон  аз саннаи  5 феврали соли 2020, №АП-1339  соли 2020 дар ҷумҳурӣ озмуни “Фуруғи субҳи доноӣ китоб аст”  баргузор мегардад. Бо мақсади ҷалби бештари донишҷӯён барои иштирок дар даври якуми озмун ва фаҳмондани шартҳои дар Низомномаи озмун мавҷудбуда, саннаи 7-уми апрели соли ҷорӣ дар китобхонаи Коллеҷи фарҳанги ҷумҳуриявии ба номи П.Бӯйдоқов ҷамъомад баргузор гардид.

            Дар ҷамъомад сардори шуъбаи матбуоти даврии Китобхонаи миллии Тоҷикистон Муҳаммаднабӣ Баёнов, муовини директор оид ба таълим Аттоев Абдураҳмон, декани факултети таълими мусиқӣ ва менеҷменти соҳавӣ Ҷафаров Ҷафар, мудири кафедраи рӯзноманигорӣ ва китобхонашиносӣ Воҳидов Миралӣ  иштирок намуда, ба зиёда аз 35-нафар донишҷӯёни муассисаи таълимӣ, ки барои иштирок намудан дар даври якуми озмуни “Фуруғи субҳи доноӣ китоб аст” таёрӣ дидаанд, тартиби баргузорӣ ва талаботҳои дар Низомномаи озмун  мавҷуд бударо фаҳмониданд.

                Тавре, аз рафти ҷамъомад маълум гардид, донишҷӯён барои мутолиа намудани адабиёти бедеӣ завқи баланд дошта, алакай номгӯи зиёди асарҳои шоирон ва нависандагонро мутолиа намудааанд.

              Зикр гардид, ки даври аввали озмун дар муассиса бо ҳузури устодон ва дигар донишмандон баргузор мегардад. Бинобар ин иштирокчиёни озмун боз ҳам хубтар омода шаванд ва рӯйхати адабиёти мутолиа кардаашонро тартиб дода, ба ҳайти комиссия манзур рнамоянд.

М.Воҳидов

БА ИСТИҚБОЛИ ҶАШНИ 30-СОЛАГИИ ИСТИҚЛОЛИЯТ

Ба истиқболи ҷашни 30-солагии Истиқлолият

      Бахшида ба истиқболи сазовори ҷашни 30-солагии  Истиқлолияти Давлатии Ҷумҳурии Тоҷикистон  имрӯзҳо тадбирҳои  ободонию зебоинигорӣ  дар сартори кишвар бо маром идома доранд. Ба муносибати ҷашнҳои дар пешиситода ва бо мақсади тозаю озодона нигоҳ доштани муҳити зист, сабзу хуррамгардонии гирду атроф, дилфиребу назаррабо намудани саҳни Коллеҷи фарҳангии ҷумҳуриявӣ ба номи П. Бӯйдоқов, инчунин дар корҳои ободонию зебогардонии маркази ноҳияи Рӯдакӣ cаҳм гузоштан бо ташаббуси директори муассисаи таълимӣ Абдураҳимзода Идрис санаи 4-уми апрели соли 2020 устодон ва донишҷӯёни таълимгоҳ ба ҳашари умумӣ баромаданд. Зеро масъалаи тозаю озода нигоҳ доштани гирду атрофи  Коллеҷи фарҳанг ва сарсабзу хуррам гардонидани саҳни таълимгоҳ зери таваҷҷӯҳи хосаи директори муассисаи таълимӣ карор дорад.

      Дар рафтишанбегӣ донишҷӯёни басти якум ва дуюми ихтисосҳои китобхонашиносӣ ва китобшиносӣ, эҷодиёти халқ (Фолклор), Менеҷменти соҳаи маданияти ҷамъиятӣ, рӯзноманигорӣ ва таълими мусиқӣ бо роҳбарии омӯзгорон фаъолона иштирок намуда, бехи дарахтонро нарм карда, ҷӯйборҳоро тоза намуда, гулу гулбуттаҳои ороишӣ шинониданд ва синфхонаҳоро донишҷӯдухтарон тозаю ороста гардониданд.

          Гурӯҳи бисёрнафараи донишҷӯён ба  маркази ноҳияи  Рӯдакӣ –шаҳраки Сомониён рафта, дохили ҷӯйборҳоро тоза намуда, бехи дарахтони ҳамешасабзи кӯчаҳои марказиро нарм карданд.

                                                                                                          М.Воҳидов

ТАҶЛИЛИ НАВРӮЗ БА МУНОСИБАТИ РӮЗИ ФАРҲАНГ

ТАҶЛИЛИ НАВРӮЗ БА МУНОСИБАТИ РӮЗИ ФАРҲАНГ

      Наврӯз пайки шодиву сурур, шукуфоиву зебоӣ, оғози кишту кори баҳорӣ, айёми эҳёи табиат ва тантанаи дӯстиву ваҳдат мебошад.

Эмомалӣ Раҳмон

        Санаи 18 марти соли 2020 дар Коллеҷи фарҳанги ҷумҳуриявии ба номи П.Бӯйдоқов Наврӯзи байналмиллалӣ ба муносибати Рӯзи фарҳанг бо шукӯҳи хоса ҷашн гирифта шуд.
Дар тантанаи идона як қатор меҳмонон ва устодону донишҷӯёни муассисаи таълимӣ иштирок намуданд. Бояд иброз намуд, ки донишҷӯён аз ҳар як гурӯҳ дастархони идонаи Наврӯзӣ оро дода буданд. Рӯи хони онҳоро таомҳои миллӣ ва ҳафтсину ҳафтшин зеб медодод.
Макони баргузории чорабинӣ бо шиору лавҳаҳо бахшида ба Наврӯзи Аҷам ва бо зардӯзиву гулдӯзиҳои таранумгари фарҳанги пурғановатамон ороиш дода шуда буд.
Нахуст директори муассисаи давлатии Коллефи фарҳанги ҷумҳурявии ба номи П. Бӯйдоқов Абдураҳимзода Идрис якҷо бо меҳмони даъватшуда, аз дастурхони идонаи донишҷӯён дидан намуда, барои дастархонороии хоси фарҳанги тоҷикӣ ба онҳо баҳои баланд доданд.
Баъдан, директори муассисаи таълимӣ И. Абдураҳимзода матни табрикотии худро ба саъми ҳозирин расонид ва ба онҳо Наврӯзро муборакбод намуд.
Мудири бахши фарҳанги ноҳияи Рӯдакӣ Насриддин Очилдиев низ бо сухани табрикотии худ баромад карда, дар фазои идона ба як қатор омӯзгорони Коллеҷи фарҳанг медалҳои “Аълочии фарҳанг” ва “Аълочии матбуот”-ро, ки аз ҷониби вазири фарҳанги Ҷумҳурии Тоҷикистон Зулфия Давлатзода ба муносибати Наврӯзи байналмиллалӣ қадрдонӣ гардидаанд, тақдим намуд.
Сипас, барномаи театрикунонидашудаи устодону донишҷӯён, ки аз рақсу суруд, шеъру тарона, саҳначаҳои тарбиявӣ иборат буд, пешкаши тамошобинон гардонида шуд.
Дар гӯшаи дигари муассисаи таълимӣ бахшида ба Наврӯзи хуҷастапай мусобиқаҳои гуногуни варзишӣ, аз қабили гуштини миллӣ, бандкашӣ, вазнбардорӣ, ки дар сатҳи баланд ташкил гардида буд, пешкаши тамошобинон гардид ва меҳмонон ба маҳорати варзишии донишҷӯёни Коллеҷи фарҳанг баҳои баланд доданд.

Миралӣ Воҳидов

РӮЗИ ДАРҲОИ КУШОДИ КОЛЛЕҶИ ФАРҲАНГ

РӮЗИ ДАРҲОИ КУШОДИ КОЛЛЕҶИ ФАРҲАНГ

          Санаи 16 марти соли 2020 дар асоси супориши директори  Коллеҷи фарҳанги ҷумҳуриявии ба номи П. Бӯйдоқов Абдураҳимзода Идрис Абдуваҳоб дар муассисаи таълимӣ Рӯзи дарҳои кушод баргузор гардид.

     Рӯзи дарҳои кушод бо мақсади  шинос намудани хатмкунандагони муассисаҳои таҳсилоти миёнаи умумии ноҳияи Рӯдакӣ аз шароити таҳсил дар муассисаи таълимӣ, маълумот додан дар бораи  ихтисосҳои мавҷуда ва ҷалби бештари довталабон ба Коллеҷи фаҳанг дар соли  таҳсили 2020-2021 гузаронида шуда, дар рафти он аз ҷумла, хатмкунандагони Мактабҳои таҳсилоти миёнаи умумии №№ 9 ва 73  бевосита аз шароитҳои мавҷудаи таълимгоҳ шинос шуданд.

       Довталабонро устодони масъули Коллеҷи фарҳанг, аз ҷумла муовини директор оид ба таъдим Аттоев Абдураҳмон, мудири китобхона Нематов Мирзо, омӯзгорон Собиров Тоҳир, Саидов Мҳаммад ва дигарон  роҳбалида карда, онҳоро бо устодону донишҷӯён, китобхона, синфхонаи компютерӣ, аудиторияҳои муҷаҳаз, толори варзишӣ,  хобгоҳи таълимгоҳ шинос намуданд.

            Дар рафти сӯҳбату  вохӯриҳо зикр гардид, ки айни ҳол дар Коллеҷи фарҳанг аз рӯи ихтисосҳои таълими мусиқӣ, менементи соҳаи маданияти ҷамъиятӣ, рӯзноманигорӣ, китобхонашиносӣ ва китобшиносӣ, эҷодиёти халқ (фолкулор) мутахассисони миёнаи касбӣ таёр карда мешавад. Барои ба талаботи бозор ҷавобгӯ  таёр кардани мутахассисони соҳаи фарҳанг дар Коллеҷ  бо дастгирии Вазорати фарҳанги Ҷумҳурии Тоҷикистон тамоми шароит муҳайё мебошад.

          Шумораи довталабон, ки зиёда 60 нафарро ташкил медод,  изҳори омодагӣ намуданд, ки  ҳуҷҷатҳояшонро ба Коллеҷ супорида, дар оянда мутахассис шуда, дар рушди фарҳанг хизмат саҳми худро мегузоранд.

                                                                                                        М.Воҳидов

ШАНБЕГӢ ДАР САТҲИ БАЛАНД ГУЗАШТ

ШАНБЕГӢ ДАР САТҲИ БАЛАНД ГУЗАШТ

       Санаи 14- марти  соли 2020 дар муассисаи таълимӣ шанбегӣ ташкил ва гузаронида шуд. Зеро масъалаи тозаю озода нигоҳ доштани гирду атрофи  Коллеҷи фарҳанг ва сарсабзу хуррам гардонидани саҳни таълимгоҳ зери таваҷҷӯҳи хосаи директори муассисаи таълимӣ Абдураҳимзода Идрис Абдуваҳҳоб карор дорад.

      Дар рафти шанбегӣ донишҷӯёни басти дуюми ихтисосҳои китобхонашиносӣ ва китобшиносӣ,  Менеҷменти соҳаи маданияти ҷамъиятӣ, ва таълими мусиқӣ бо роҳбарии омӯзгорон фаъолона иштирок намуда, бехи дарахтонро нарм карда, ҷӯйборҳоро тоза намуда, зиёда аз 500 адад гулу гулбуттаҳои ороишӣ шинониданд ва синфхонаҳоро донишҷӯдухтарон тозаю ороста гардониданд.

         Амалӣ намудани тадбирҳои  ободонию зебоинигорӣ  дар сартори кишвар имрӯзҳо бо маром идома доранд. Ин ҳама корҳои созанда бо мақсади иҷроиши  сиёсати созандагию ободонии Давлату Ҳукумати Ҷумҳурии Тоҷикистон ва истиқболи сазовори 30-солагии  Истиқлолияти Давлатии Ҷумҳурии Тоҷикистон равона карда шудааст.

МАҚСАДИ МО – РУШДИ АНЪАНАҲОИ МИЛЛИСТ

МАҚСАДИ МО – РУШДИ АНЪАНАҲОИ МИЛЛИСТ

      Санаи 3-юми марти  соли 2020  бо мақсади сазовор истиқбол намудани Рӯзи Модар ва Наврӯзи Аҷам дар толори Коллеҷи фарҳанги ҷумҳуриявии ба номи П.Бӯйдоқов таҳти унвони “Чакомаи гесӯ”  чорабинии адабӣ-мусиқӣ баргузор гардид. Дар чорабинӣ мудири Бахши чавонон ва варзиши ноҳияи Рӯдакӣ Абдулло Сатторӣ, директори муассисаи таълимӣ Абдураҳимзода Идрис Абдуваҳоб, устодон ва донишҷӯён иштирок намуданд.

Барномаи чорабиниро муовини директор оид ба тарбия Шаҳло Шарипова омода намуд, ки ҳозирин ҳар як номераи онро бо кафкубиҳои бардавом пазироӣ намуданд.

       Аз ҷониби донишҷӯдухтарони Коллеҷи фарҳанг  намоиши либосҳои миллӣ дар сатҳи баланд пешниҳоди  тамошобинон гардид. Донишҷӯи бахши якуми ихтисоси рӯзноманигорӣ Мадина Қодирова суруди “Модар”-ро бо истеъдоди хоса иҷро намуд.  Маросими Рубинонро донишҷӯёни ихтисоси китобхонашиносӣ ва китобшиносӣ  бо риояи нозукиҳояш иҷро карданд. Яке аз анъанаҳои миллиамон –маросими “Саршӯён” –ро, ки ба саҳнагузорандаи он омӯзгор Соро Раҳимова  буд, донишҷӯёни таълимгоҳ  хеле хуб иҷро карданд.  Аз ҷониби баромадкунагон хуришҳо ва хурокҳои  миллӣ омода гардид, ки барои ҳунари кадбонугии онҳо аҳли нишаст кафкубиҳо заданд. Инчунин,  донишҷӯдухтарон бо муйҳои дарози худ ба саҳна баромада, зебогии муйҳои дарози бонувонро   нишон доданд.

         Дар охир директори муассисаи таълимӣ И.Абдураҳимзода ва мудири Бахши кор ба ҷавонон ва варзиши ноҳия А.Сатторӣ суханронӣ карда, мақсади ташкил ва гузаронидани чунин чорабиниҳоро мусоидати фаъол намудан ба рушди анъанаҳои миллӣ арзёбӣ карда, ба устодон ва донишҷӯён барои ташкил ва баргузор кардани ин чорабинии хотирмон баҳои баланд дода,  ба як қатор баромадкунандагон Ифтихорномаҳо супориданд

Миралӣ Воҳидов