ШАНБЕГЙ ДАР КОЛЛЕҶИ ФАРҲАНГ ДАР САТҲИ БАЛАНД ГУЗАШТ

Бо мақсади сазовор ва бо дастовардҳои арзанда ҷашн гирифтани 30- юмин солгарди Истиқлолияти давлатии Ҷумҳурии Тоҷикистон тибқи супориши Ҳукумати Ҷумҳурии Тоҷикистон имрӯзҳо корҳои ободонию зебоинигорӣ дар сартори кишвар бо маром идома доранд.

Барои гулкорӣ намудан ва тозаю озодона нигоҳ доштани гирду атрофи Коллеҷи фарҳангии ҷумҳуриявӣ ба номи П. Бӯйдоқов санаи 13-уми феврали соли 2021 дар муассисаи таълимӣ шанбегии дастаҷамъолна гузаронида шуд. Дар шанбегӣ донишҷӯёни басти дуюми ихтисосҳои китобхонашиносӣ ва китобшиносӣ, эҷодиёти халк (Фолклор), Менеҷменти соҳаи маданияти ҷамъиятӣ ва таълими мусиқӣ ва омӯзгорон бо роҳбарии директори таълимгоҳ Разоқов Салоҳидин фаъолона иштирок намуданд.

Дар рафти шанбегй аз ҷониби омӯзгорон ва донишҷӯён сесад бех гулҳои ороишй, аз ҷумла садбарг шинонида шуда, бехи дарахтон нарм ва ҷӯйборҳои гирду атрофи муассисаи таълимӣ ба масофаи 100 метр аз партовҳо тоза гардид.

Бояд иброз намуд, ки масъалаи тозаю озода нигоҳ доштани гирду атрофи Коллеҷи фарҳанг ва сарсабзу хуррам гардонидани саҳни таълимгох зери таваҷҷӯҳи хосаи директори муассисаи таълимӣ Разоков Салоҳидин қарор дорад .

ОМӮЗИШИ НУКТАҲОИ ПАЁМ ДАР МУАССИСАИ ДАВЛАТИИ КОЛЛЕҶИ ФАРҲАНГИ ФАРҲАНГИ ҶУМҲУРИЯВИИ БА НОМИ П.БӮЙДОҚОВ

11 феврали соли 2021 дар Муассисаи давлатии Коллеҷи фарҳанги ҷумҳуриявии ба номи П.Бӯйдоқов бо мақсади боз ҳам хубтар омухтани нуктаҳои Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон таҳти роҳбарии директори муассисаи таълимӣ Разоқов Салоҳидин Шамсидинович ва намояндагони Кумитаи иҷроияи Ҳизби Халқии Демократии Тоҷикистон дар ноҳияи Рӯдакӣ Аҳмадзода Раҳматулло, Зоҳир Юсуфов, устодон ва донишҷӯён ҷамъомади сиёсию фарҳангӣ баргузор гардид.

Нахуст, директори Муассисаи давлатии Коллеҷи фарҳанги ҷумҳуриявии ба номи П.Бӯйдоқов Разоқов Салоҳидин баромад намуда, Паёми Пешвои миллатро чун ҳуҷҷати  роҳнамо ва китоби рӯимизии кормандони ташкилоту идораҳо номид. Ӯ дар идомаи баромадаш аз дастовардҳои халқи Тоҷикистон дар давраи соҳибистиқлолии кишвар ёдовар шуд.

 Разоқов Салоҳидин зикр намуд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёмашон чунин таъкид намудаанд:-“Мо барои беҳтар кардани сатҳу сифати таълим дар ҳамаи зинаҳои таҳсилот бояд тамоми шароити заруриро муҳайё карда, дар ин раванд масъулияти падару модар, аҳли ҷомеа ва омӯзгоронро боз ҳам баланд бардорем”. Бинобар ин аз устодон ҳоҳиш намуд, ки аз шароиту имкониятҳои фароҳамбуда самаранок истифода бурда, дар таълиму тарбияи шогирдони сазовори давру замон саҳми намоён гузоранд.

Мудири Кумитаи иҷроияи Ҳизби Халқии Демократии Тоҷикистон дар ноҳияи Рӯдакӣ Аҳмадзода Раҳматулло зимни баромадаш зикр намуд, ки мардумуми шарифи кишвар имрӯзҳо дар фазои сулҳу салоҳ ва давлати соҳибистиқлол зиндагӣ ва фаъолият намуда, бо ҷонибдорӣ аз сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ба зиндагии саодатмандона ноил гардидаанд. Дар оянда боз ҳам Тоҷикистон рушд менамояд, зеро дар Паёми Пешвои миллат дурнамои тамоми соҳаҳо нишон дода шудааст, ки умедҳоро ба гул-гулшукуфоии Тоҷикистон зиёд намудааст.

Сипас,  донишҷӯёни муассисаи таълимӣ Қодирова Мадина, Абдусаломи Абдусалим, ки барандагони Стипендияи Президенти Ҷумҳурии Тоҷикистон мебошанд ва Малудаи Саидзода суханронӣ карда, аз ғамхориҳои Пешвои миллат муҳтарам Эмомалӣ Раҳмон нисбат ба ҷавонони кишвар бо ифтихор аёдовар шуданд.

Дар охир аз ҷониби дониҷӯёни муассиса шеърҳо дар васфи Ватан, Истиқлолияти давлатӣ, Пешвои миллат ва дигар мавзӯҳои ифтихорӣ қироат карда шуданд.

                                                                              М.Воҳидов

Муассисаи давлатии Коллеҷи фарҳанги ҷумҳуриявии ба номи Партов Бӯйдоқов ба мувафаққиятҳои нав ба нав ноил мегардад

Барои сазовор истиқбол намудани ҷашни 30-солагии Истиқлолияти давлатӣ директори Коллеҷи фарҳанг Разоқов Салоҳидин имрӯзҳо аз тамоми имкониятҳо истифода бурда,  корҳои созандагию бунёдкориро вусъати тоза бахшидааст. Тамоми синфхонаҳо бо таҷҳизоти муосири равшандиҳанда таъмин гардида, дар синфхона ва долонҳо аёниятҳои ба талаботи замон мувофиқ насб карда шудаанд. Роҳравҳо ба тозагӣ  бетонрезӣ шудаанд ва барои боз ҳам зебо шудани таълимгоҳ бо дастгирии Вазораи фарҳанги Ҷумҳурии Тоҷикистон   роҳравҳо кошнигорӣ мегарданд.

Санаи 6 феврали соли 2021 дар коллеҷи фарҳанг ҳашари дастаҷамъона гузаронидашуда, аз ҷониби устодон ва донишҷӯён дар ҳудуди  таълимгоҳ зиёда аз 500 бех гулу гулбутаҳои ороишии садбарг шинонида шуд, ки ин иқдоми наҷибибу шоиста боиси  дигаргун шудани ҳусни  муассисаи таълимии гардидааст.  Инчунин, ҳашарчиён бехи дарахтонро бо пуррагӣ  нарм  карданд ва  синфхонаҳоро тозаю озода намуданд.