ШАНБЕГӢ ДАР САТҲИ БАЛАНД ГУЗАШТ

       Бо мақсади сазовор пешвоз гирифтани ҷашни 27-умин солгарди қабули Конститутсияи Ҷумҳурии Тоҷикистон ва бо мақсади тозаю озодона нигоҳ доштани муҳити зист, сабзу хуррамгардонии гирду атроф, дилфиребу назаррабо намудани саҳни Коллеҷи фарҳангии ҷумҳуриявӣ ба номи П. Бӯйдоқов санаи 24-уми октябри соли 2020 дар муассисаи таълимӣ шанбегӣ ташкил ва гузаронида шуд.

      Дар рафти шанбегӣ донишҷӯёни басти дуввуми ихтисосҳои китобхонашиносӣ ва китобшиносӣ, эҷодиёти халқ (Фолклор), Менеҷменти соҳаи маданияти ҷамъиятӣ, рӯзноманигорӣ ва таълими мусиқӣ бо роҳбарии омӯзгорон фаъолона иштирок намуда, дар заминҳои назди роҳравҳо гулу гулбуттаҳои ороишии мавсимӣ шинониданд, бехи дарахтонро нарм намуданд. Инчунин  донишҷӯдухтарон синфхонаҳоро тозаю ороста гардониданд.

       Ёдовар мешавем, ки ба масъалаи сарсабзу хуррам ва тозаю озода нигоҳ доштани  Коллеҷи фарҳанг ва гирду атрофи он директори муассисаи таълимӣ Абдураҳимзода Идрис пайваста таваҷҷӯҳи хоса зоҳир менамоянд.

Тибқи нақша ҳар ҳафта гурӯҳҳои таълимӣ дар   алоҳидагӣ ба шанбеги ҷалб гардида, чунин корҳои зебонигориро идома медиҳанд.

Таҷлили рӯзи Фалак дар муассиса

Ба муносибати 13-умин солгарди рӯзи «Фалак»,  санаи 15 октябри соли равон дар толори Коллеҷи фарҳанги ҷумҳуриявӣ ба номи П.  Бӯйдоқов барномаи хотирмони консертӣ бо супориши директори муассисаи таълимӣ Абдураҳимзода Идрис аз ҷониби  устодон ва донишҷӯёни кафедраи  «Таълими мусиқӣ,  эҷодиёти халқ ва менеҷменти соҳавӣ» пешкаши тамошобинон гардид.

Бояд ёдовар шуд,  ки жанри фалакро оҳангсози машҳури тоҷик Абдулфаттоҳ Одинаев ба нота дароварда,  онро дар оркестри симфонӣ ҷой додааст. Фалак яке аз муҳимтарин унсурҳои мусиқии суннатии тоҷикон мебошад.  Бо мақсади ҳифзи ин мероси бадеию фарҳангии халқамон ва рушди «Фалак»,  Пешвои миллат,  муҳтарам Э. Раҳмон тамоми шароитҳоро муҳайё намудаанд.

Дар барномаи консертӣ донишҷӯёни таълимгоҳ як қатор сурудҳоро дар жанри «Фалак» бо маҳорати баланд иҷро намуданд.

ШАНБЕГӢ ДАР САТҲИ БАЛАНД ГУЗАШТ

       Бо мақсади тозаю озодона нигоҳ доштани муҳити зист, сабзу хуррамгардонии гирду атроф, дилфиребу назаррабо намудани саҳни Коллеҷи фарҳангии ҷумҳуриявӣ ба номи П. Бӯйдоқов санаи 10-уми октябри  соли 2020 дар муассисаи таълимӣ шанбегӣ ташкил ва гузаронида шуд. Масъалаи тозаю озода нигоҳ доштани гирду атрофи  Коллеҷи фарҳанг ва сарсабзу хуррам гардонидани саҳни таълимгоҳ зери таваҷҷӯҳи хосаи директори муассисаи таълимӣ Абдураҳимзода Идрис Абдуваҳҳоб карор дорад.

      Дар рафти шанбегӣ донишҷӯёни басти дуюми ихтисосҳои китобхонашиносӣ ва китобшиносӣ, эҷодиёти халқ (Фолклор), Менеҷменти соҳаи маданияти ҷамъиятӣ, ва таълими мусиқӣ бо роҳбарии омӯзгорон фаъолона иштирок намуда, гулу гулбуттаҳои ороишӣ шинониданд ва синфхонаҳоро донишҷӯдухтарон тозаю ороста гардониданд.

Амалӣ намудани тадбирҳои  ободонию зебоинигорӣ  дар сартори кишвар имрӯзҳо бо маром идома доранд.

Вохӯрии роҳбари гурӯҳи “Авандгард” бо донишҷӯёни Коллеҷи фарҳанг

Санаи 9 октябри соли равон дар толори Коллеҷи фарҳанги ҷумҳуриявии ба номи П. Бӯйдоқов вохӯрии роҳбари гурӯҳи   ҷавонони “Авангард” дар ноҳияи Рӯдакӣ Низомиддин Ҷумаев бо устодон ва донишҷӯёни муассисаи таълимӣ баргузор гардид. Ҷамъомадро муовини директор оид ба таълим Шаҳло Шарипова ифтитоҳ бахшид ва мавзӯи вохӯриро, ки  дар бораи   зарари истифодаи шабакаҳои иҷтимоии интернетӣ ва шомил шудани ҷавонон ба гурӯҳҳои ифротгаро  бахшида шуда буд, ба ҳозирин фаҳмонид.

Сипас,  роҳбари гурӯҳи   ҷавонони “Авангард” дар ноҳияи Рӯдакӣ Низомиддин Ҷумаев суханронӣ карда, дар бораи мафҳумҳои эктеремизм ва тероризм, ки ҳамчун зуҳуроти бад  дар ҷомеа мебошанд ва ҳадафи афроде, ки аъзои гурӯҳҳои ифротӣ мебошанду ба ҷомеа хавфу хатари зиёд доранд, инчунин зарари телефонҳои мобилӣ, махсусан шабакаҳои иҷтимоии интернетӣ ба ҳозирин фикру мулоҳизаҳояшро иброз намуд.

Номбурда, зимни баромадаш, инчунин ҷавононро ба шукргузорӣ кардан аз давлати обод ва боз ҳам  муттаҳид шудан дар атрофи  Пешвои миллат мӯҳтарам Эмомалӣ Раҳмон даъват  намуд.

Ҳамзамон аз донишҷӯёне, ки ба синни 18 солагӣ  расидаанд хоҳиш кард, ки дар рӯзи интихоботи Президенти Ҷумҳурии Тоҷикистон, ки   санаи 11-уми октябри соли равон баргузор мегардад, ба ҳавзаҳои интихоботӣ рафта, ба тарафдории номзади арзандаи овоз диҳанд.

Пайравони Пешвои миллат аз Коллеҷи фарҳанг

дар роҳпаймоӣ иштирок карданд

Санаи 9-уми октябри соли равон бо ташаббуси Бахши кор бо ҷавонон ва варзиши ноҳияи Рӯдакӣ ва дастгирии Мақомоти иҷроияи ҳокимияти давлатии ноҳия бо ҷалби ҷавонони ватандӯсти ноҳия ва пайравони Асосгузори сулҳу ваҳдати миллӣ-Певои миллат, Президенти   Ҷумҳурии  Тоҷикистон  муҳтарам  Эмомалӣ Раҳмон роҳпаймоӣ таҳти унвони “Интихоби мо-Пешвои миллат” доир гардид.  Дар қатори ҷавонони  касбу корашон гуногун, донишҷӯён ва устодони Коллеҷи фарҳанги ҷумҳуриявии ба номи П.Бӯйдоқов, ки пайравони асили Пешвои миллат мебошанд, дар роҳпаймоии мазкур фаъолона иштирок карданд.

Баъд аз роҳпаймоӣ иштирокчиён дар саҳни муҷассамаи устод Абуабдулоҳи  Рӯдакӣ ҷамъ омада, баъзе аз онҳо андешаҳояшонро оид ба маъракаи сиёсии дар пешистода ва иштирокашон дар он  баён карданд. Зимни суханронияш, аз ҷумла донишҷӯи Коллеҷи фарҳанг Саидзода Мавлуда иброз намуд, ки “Ман ҳамчун ҷавони зодаи даврони сиҳибистиқлолии Тоҷикистон ба Пешвои миллат муҳтарам Эмомалӣ Раҳмон изҳри миннатдорӣ менамоям, ки барои дастгирии мо ҷавонон Стипендияи Президентиро таъсис додаанд ва ман барандаи он будам. Ман бо дастовардҳои беназири халқи  Тоҷикистон дар давраи роҳбарии  фарзанди фарзонаи миллат Эмомалӣ Раҳмон тавассути расонаи хабарӣ хуб ошно мебошам. Бинобар ин дар Рӯзи интихоботи Президенти Ҷумҳурии Тоҷикистон иштирок карда, ба ҷонибдории Пешвои миллат овоз медиҳам”.

Бояд ёдовар шуд, ки санаи 11 октябри соли равон дар Ҷумҳурии Тоҷикистон интихоботи Президенти Ҷумҳурии Тоҷикистон баргузор мегардад. Боварӣ дорам, ки ин маъракаи сиёсӣ дар Тоҷикистони азиз дар сатҳи ӣаланд баргузор мегардад.