САҲМИ ДОНИШҶӮЁНИ КОЛЛЕҶИ ФАРҲАНГ ДАР КОРҲОИ ОБОДОНӢ

Бо мақсади саҳм гузоштан дар корҳои ободонӣ ба муносибати 30-умин солгарди  Истиқлолияти давлатии Ҷумҳурии Тоҷикистон  санаи  18 декабри соли  2019  устодон ва донишҷӯёни Коллеҷи фарҳанги ҷумҳуриявии ба номи П. Бӯйдоқов бо роҳбарии директори муассисаи таълимӣ Оқилов Идрис ба Боғи Ғалабаи ноҳияи Рӯдакӣ рафта,  гирду атрофи  ин мавзеи фарҳангию фароғатиро тозаю  озода  намуда,  бехи дарахтонро нарм ва гулҳои ороиширо аз алафҳои бегона тоза намуданд.

Намояндагони Мақомоти иҷроияи ҳокимяимияти давлатии ноҳияи Рӯдакӣ барои пиёда сохтани ин иқдоми наҷибибу шоистаи ибрат, ба маъмурият ва устодону донишҷӯёни муассисаи давлатии Коллеҷи фарҳанги ҷумҳуриявии ба номи П. Бӯйдоқов арзи миннатдорӣ намуданд.

М.Воҳидов

          Аз рӯи нақша-чорабиниҳои тасдиқнамудаи маъмурияти Коллеҷи фарҳанги ҷумҳуриявии ба номи П. Бӯйдоқов санаи  14- уми декабри соли 2019 дар толори Қасри фарҳанги ноҳияи Рӯдакӣ коференсияи илмӣ-амалӣ таҳти унвони “Омилҳои хатарноки коррупсия дар Тоҷикистон”  баргузор гардид.

Дар кори конференсия муовини сардори Раёсати 1-уми дастгоҳи марказии Агентии назорати давлатии молиявӣ ва мубориза бо коррупсияи Ҷумҳурии Тоҷикистон Турсунзода Шодком, раиси Кумитаи иҷроияи ҲХДТ дар ноҳияи Рӯдакӣ Ҳамзаалӣ Юсуфӣ,  мудири Бахши кор бо занон ва оилаи ноҳия Ситора Ҳалимова, муовини сардори ШВКД-1 ноҳия, полковники милитсия Шарифзода Рустам ва дигар меҳмонони даъватшуда иштирок намуданд. Дар толор устодон ва донишҷӯёни муассисаи таълимӣ ҳузур доштанд.

Дар оғоз директори Коллеҷи фарҳанг Идрис Оқилов дар назди ҳозирин маърӯза намуда,  оид ба “Зарари коррупсия дар замони муоссир” андешаҳои худро иброз намуд. Номбурда, зимни суханронияш аз ҷумла чунин иброз намуд: “Коррупсия яке аз монеаҳои ҷиддӣ дар роҳи рушди иқтисодию иҷтимоии кишварҳо ва риояи ҳуқуқу озодиҳои инсон маҳсуб мешавад.

Мубориза бар зидди коррупсия дар сиёсати давлатии Ҷумҳурии Тоҷикистон доимо яке аз масъалаҳои асосӣ буда, муқовимат бо ин зуҳуроти номатлуб ва пешгирӣ аз омилҳои он мусоидаткунанда сол то сол пурзур шуда истодааст”.

Зимни маърӯзаҳояшон дигар баромадкунандагон низ  оид ба дарёфти роҳҳои мубориза  бар зидди коррупсия фикру мулоҳизаҳояшонро баён карданд.

Чорабинӣ оид ба пешгирии зуроварӣ дар оила дар Коллеҷи фарҳанги ҷумҳуриявии ба номи П. Бӯйдоқов

Бо мақсади саҳмгузоштан дар амалӣ гардидани Қонуни Ҷумҳурии Тоҷикиситон“ Дар бораи пешгирии зӯроварӣ дар оила” ва “Барономаи давлатӣ оид ба пешгирии зуроварӣ дар оила дар Ҷумҳурии Тоҷикистон барои соҳои 2014-2023” тибқи нақша-чорабиниҳои тасдиқ намудаи маъмурияти Коллеҷи фарҳанги ҷумҳуриявии ба номи П. Бӯйдоқов санаи 7- уми декабри соли 2019 дар толори мактаби мусиқии бачагонаи ба номи М. Ашрафии ноҳияи Рӯдакӣ дар доираи тадбирҳои “16-Рӯзи пешгирии зуроварӣ дар оила” чорабинии маърифатию фарҳангӣ баргузор гардид.

Дар чорабинӣ зиёда аз 250 нафар донишҷуён, аз он ҷумла, муовинираиси Кумитаи кор бо занон ва оилаи назди Ҳукумати Ҷумҳурии Тоҷикистон Давлатзода Зулфия, директории Хазинаи Авруосиёгии Осиёи Марказӣ-Тоҷикистон Азимҷон Сайфиддинов, Прокурори ноҳияи Рӯдакӣ, Генерали адлияи дараҷаи 3 Шаҳидуллозода Муҳаммадвалӣ, аъзои Шӯрои ҷамъиятии назди ВКД ҶТ Саидамирова Фирӯза, аъзои Шӯрои ҷамъиятии назди Раёсати ВКД дар шаҳри Душанбе Гулпарӣ Латипова, мудири бахши кор бо ҷавонон ва варзиши ноҳия Абдулло Сатторӣ ва дигар меҳмонони даъват шуда иштирок намуданд.

Дар оғоз директории Коллеҷи фарҳанги ҷумҳуривии ба номи П.Бӯйдоқов Идрис Оқилов дар назди ҳозирин маърӯза намуда,  оид ба арзиши оила дар назди давлат ва аҳамияти пойдории он андешаҳои худро иброз намуд.

Муовини раиси Кумитаи кор бо занон ва оилаи назди Ҳукумати Ҷумҳурии Тоҷикистон Давлатзода Зулфия зимни баромадаш аз ҷумла қайд карданд, ки: “Чорабинии имрӯза бениҳоят зарурӣ ва ҷиддӣ ба ҳисоб рафта, барои азму талоши зиндагӣ, сарҷамъию муттаҳидӣ, дилсузию масъулиятнокӣ ҳар яки мову шуморо водор менамояд, ки барои эмин доштани арзишҳои инсонӣ саҳмгузор бошем”.

Прокурори ноҳияи Рӯдакӣ Шаҳидуллозода Муҳаммадвалӣ ҳангоми суханронияш аз ҷиноятҳое, ки дар оилаҳо содир шуда, боиси нигаронии кормандони мақомотҳои ҳифзи ҳуқуқи ноҳия гардидаанд, ёдовар шуда, аҳлини шаст ва дар симои онҳо ҳар як сокини ноҳияро ба эҳтиром намудани худ ва дигарон даъват намуд.

Зимни маърӯзаҳояшон дигар баромадкунандагон ҳам оид бо хушбахтии оилаҳо фикру мулоҳизаҳояшонро баён карданд.

Дар қисми дуюми чорабинӣ устодону донишҷӯёни Коллеҷи фарҳанги ҷумҳуриявии ба номи П. Бӯйдоқов барномаи мукаммали фарҳангии омода кардаашонро манзури ҳозирин гардониданд, ки аҳли нишаст ба ифтихори фарҳангу санъати баромадкунандагон кафкубиҳои бардавом заданд.

                 Миралӣ Воҳидов, омӯзгори КФҶ баноми П. Бӯйдоқов

Конференсияи илмӣ-амалӣ дар Коллеҷи фарҳанг

Санаи 30-юми ноябри соли 2019 дар толори Қасри фарҳанги ноҳияи Рӯдакӣ тибқи нақша-чорабиниҳои тасдиқнамудаи  маъмурияти Коллеҷи фарҳанги ҷумҳуриявии ба номи П. Бӯйдоқов Конференсияи илмӣ-амалӣ таҳти унвони  “Зуҳуроти манфии ҷомеаро маҳкум менамоем” баргузор гардид. Дар кори Конференсия муовини Раиси ноҳияи Рӯдакӣ Фирӯза Камолзода, муовини сардори ШВКД-1 ноҳия, полковники милитсия Шарифзода Рустам, мудири Кафедраи равандҳои сиёсии ДМТ Шаъбонов Нуралӣ, аъзои Шӯрои ҷимъиятии назди ВКД ҶТ  Саидамирова Фирӯза, муовини Раиси Шӯрои ҷамъиятии назди Раёсати ВКД дар шаҳри Душаенбе Латипова Гулпарӣ, директори Коллеҷи техникию омӯзгорӣ Ширинзода Наҷмиддин ва дигар меҳмонони даъватшуда иштирок намуданд.

Дар толор  кормандони Мақомоти иҷроияи ҳокимияти давлатии ноҳия, ташкилоту идораҳои  ноҳиявӣ, устодону донишҷӯёни Коллеҷи фарҳанги ҷумҳуриявӣ ба номи П.Бӯйдоқов ва  Коллеҷи техникию омӯзгории ноҳия ҷамъ омада буданд.

Пас аз садо додани Суруди миллӣ ва ифтитоҳ ёфтани кори Конфересия директори Коллеҷи фарҳанги ҷумҳуриявии ба номи П.Бӯйдоқов Оқилов Идрис ба минбар баромада, нахуст меҳмонон ва аҳли нишастро хайрамақдам гуфт ва дар назди ҳозирин бо маърӯзаи пурмӯҳтавои худ баромад карданд. Зимни баромадаш номбурда, аз ҷумла зикр кард, ки  “Асосгузори сулҳу ваҳдати милли-Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон чунин таъкид менамоянд: “Миллате, ки тафаккури миллӣ, таъриху адабиёт, забон, расму оин ва арзишҳои фарҳангиашро аз даст медиҳад, Истиқлолияти худро пуштибонӣ карда наметавонад”.

Мавқеи Тоҷикистонро дар таъмини сулҳу амнияти минтақа ва ҷаҳон аз суханон ва таъкидҳои пайдарпаи Пешвои миллат муҳтарам Эмомалӣ Раҳмон метавон ба хубӣ дарк намуд.

Дар Паёмашон Асосгузори сулҳу ваҳдати милли-Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон масъалаи раванди хатарнок касб намудани экстеремизм ва тероризмро ҳамчун мавзӯи калидӣ  баҳогузорӣ намуданд.

Воқеан ҳам имрӯз тероризм ва экстремизм ҳамчун вабои аср ба амнияти ҷаҳон  ва ҳар сокини саёра таҳдид карда, барои башарият хатари на камтар аз силоҳи ядроиро ба миён овардааст…

Метавон чунин натиҷигирӣ кард, ки Пешвои миллат муҳтарам Эмомалӣ Раҳмон ба ҳайси наҷотдиҳанда, таҳкимгар ва рушду такомулдиҳандаи Истиқлолияти давлатии Тоҷикистон ҳамчун ниҳоди сиёсӣ, иқтисодӣ, иҷтимӣ, фарҳангӣ, давлатию ҳуқуқӣ, ҳуқуқи байналмиллалӣ ва инчунин ба сифати андешаи илмӣ татбиқи амалии онҳоро таъмин намуд, ки ҳамаи ин дастовардҳоро бояд ҳар як фарди бонангу номуси Тоҷикистон ҳифз намояд ва дар мубориза алайҳи хатарҳои глобалии ҷаҳонӣ, бахусус бар зидди терроризм, экстремизм саҳми босазои худро гузорад”.

Баъдан, аз рӯйи Барнома муовини Раиси ноҳияи Рӯдакӣ Фирӯза Камолзода, муовини сардори ШВКД-1 ноҳия, полковники милитсия Шарифзода Рустам, мудири кафедраи равандҳои сиёсии ДМТ Шаъбонов Нуралӣ ва омӯзгори Коллеҷи фарҳанги ҷумҳуриявӣ Саврия Қурбонова бо маърӯзаҳои худ баромад намуданда, андешаҳояшонро оид ба зуҳуротҳои манфии аср, аз қабили терроризм, экстремизм ва мубориза ба муқобили ин падидаҳои бад,  баён намуданд.

Аҳли толор нутқи баромадкунандагоро бо таваҷҷӯҳи хоса шунида,  аз рафти Коференсия барои худ ғизои маънавӣ гирифтанд.

Дарси тарбиявии намунавӣ оид ба ВНМО (СПИД)               

   29 ноябри соли равон дар байни донишҷӯёни бахши 3-юми ихтисоси китобхонашиносӣ ва китобшиносӣ ва Эҷодиёти халқ (фолклор)-и  Коллеҷи фарҳанги ҷумҳуриявии ба номи П.Бӯйдоқов аз ҷониби роҳбари гурӯҳ Раҷабова Фарангез ва Ибрагимов Наимҷон бахшида ба 1-уми декабр- Рӯзи умумумиҷаҳонии мубориза бар зидди Вируси норасоии масъунияти одам  дарси тарбиявии намунавӣ гузаронида шуд.

 Дар аввал ба саволномаҳои омодакардаи  омӯзгори  номбаршуда   донишҷӯён хеле хуб посух доданд, ки ин аз маълумоти муфассал доштани онҳо оид ба ВНМО (СПИД) гувоҳӣ медиҳад.

Баъдан, донишҷӯи ҳамин гурӯҳ Саидзода Мавлуда тавассути тахтаи синфии электронӣ доир ба мавзӯи дарси тарбиявӣ маърӯзаи худро ироа намуд.

Дар охир устодони муассисаи таълимӣ, аз ҷумла, ҷонишини директор оид ба тарбия Ш. Шарифова, декани факултети таълими мусиқӣ ва менеҷменети соҳавӣ Ҷ. Ҷаъфаров ва мудири кафедраи рӯзноманигорӣ ва китобхонашиносӣ  М. Воҳидов  нисбат ба   дарси тарбиявии доиргардида, фикрӯ  андеша ва таклифу пешниҳодяшонро баён намуданд.