БАРНОМАИ КОНСЕРТИРО ҲОЗИРИН ХУШ ПАЗИРОӢ НАМУДАНД

        БАРНОМАИ КОНСЕРТИРО ҲОЗИРИН ХУШ ПАЗИРОӢ НАМУДАНД

       Санаи 19-уми октябри соли 2019 бо барномаи консертӣ ҳунармандони Фелармонияи давлатии бачагонаи Тоҷикистон меҳмони устодон ва донишҷӯёни Коллеҷи фарҳанги ҷумҳуриявии ба номи П. Бӯйдоқов гардиданд. Барномаи консертӣ ба ифтихори солҳои 2019-2021 “Солҳои рушди деҳот, Сайёҳи ва ҳунарҳои мардумӣ” бахшида шуда, баҳри фароғати коллективи муассисаи таълимӣ бо номераҳои беҳтарини худ сарояндагону навозандагон, актёрҳо ва гулдухтарони рақосаҳои наврасу ҷавонони Филармонияи давлатии бачагона баромад намуданд. Ҳар як номераи баромадкунандагонро, аз ҷумла, сурудҳои “Тоҷикистон” дар иҷрои Таманно Гулмаҳмадова, “Модар” Бахтиёр Қурбонов, “Дили садоӣ ” Савригул Қурбонова, рақс бо доира дар иҷрои гулдухтари ансамбли рақсии “Парвона” Дилором Латипова, саҳначаи ҳаҷвӣ дар иҷрои гурӯҳи “Шакарханд” – ро ҳозирин бо кафкубиҳо пазироӣ намуданд.

Баргузории чунин барномаҳои консертӣ ба бедор шудани ҳиссӣ зебопарастӣ, ва тандурустию худогоҳӣ ва дигар арзишҳои олии инсонӣ таъсири бузург мерасанд    

19.10.2019 in Чорабиниҳо Comments (0)

ШАНБЕГӢ ДАР САТҲИ БАЛАНД ГУЗАШТ

ШАНБЕГӢ ДАР САТҲИ БАЛАНД ГУЗАШТ

       Бо мақсади тозаю озодона нигоҳ доштани муҳити зист, сабзу хуррамгардонии гирду атроф, дилфиребу назаррабо намудани саҳни Коллеҷи фарҳангии ҷумҳуриявӣ ба номи П. Бӯйдоқов санаи 19-уми октябри соли 2019 дар муассисаи таълимӣ шанбегӣ ташкил ва гузаронида шуд.

      Дар рафти шанбегӣ донишҷӯёни басти дуввуми ихтисосҳои китобдорӣ, эҷодиёти халқ (Фолклор), Менеҷменти соҳаи маданияти ҷамъиятӣ, инчунин донишҷӯёни ихтисоси рӯзноманигорӣ ва таълими мусиқӣ басти аввал бо роҳбарии омӯзгорон фаъолона иштирок намуда, гулу гулбуттаҳои ороишии мавсимӣ шинониданд ва синфхонаҳоро донишҷӯдухтарон тозаю ороста гардониданд.

       Ёдовар мешавем, ки ба масъалаи сарсабзу хуррам ва тозаю озода нигоҳ доштани  Коллеҷи фарҳанг ва гирду атрофи он директори муассисаи таълимӣ Оқилов Идрис таваҷҷӯҳи хоса зоҳир менамоянд.

[/vc_column_text][/vc_column][/vc_row]

19.10.2019 in Навгониҳо, Чорабиниҳо Comments (0)

БА РУШДИ ЗАБОНИ ДАВЛАТӢ ЭЪТИБОРИ ХОСА ДОДА МЕШАВАД

БА РУШДИ ЗАБОНИ ДАВЛАТӢ ЭЪТИБОРИ ХОСА ДОДА МЕШАВАД

             Санаи 5-уми октябри соли равон ба ифтихори Рӯзи забони давлатӣ  дар толори Қасри фарҳанги ноҳияи Рӯдакӣ  чорабинии идона баргузор гардид.  Дар чорабинии сатҳи ноҳиявӣ дар қатори кормандони Бахши фарҳанги ноҳия, инчунин як гурӯҳ омӯзгорон ва донишҷӯён бо роҳбарии ҷонишини директор  оид ба корҳои тарбиявии Коллеҷи фарҳанги ҷумҳуриявии ба номи П.Бӯйдоқов Шарипова Шаҳло фаъолона иштирок намуда, бо номераҳои алоҳида дар назди тамошобинон баромад карданд.

            Аҳли нишаст аз баромади донишҷӯёни Коллеҷи фарҳанг, ки  тараннумгари  рукни муҳими ҷомеазабони давлатӣ мебошад,  ғизои маънавӣ гирифта, ба ҳунару истеъдоди онҳо кафкубиҳои бардавом заданд.

             Бояд ёдовар шавем, ки директори Коллеҷи фарҳанги ҷумҳуриявии ба номи П.Бӯйдоқов Оқилов Идрис барои амалӣ шудани Қонуни Ҷумҳурии Тоҷикистон “Дар бораи забони давлатӣ” таваҷҷуҳи хоса зоҳир менамоянд. Натиҷаи таваҷҷуҳи роҳбарияти муассисаи таълимӣ аст,  ки  ҳам омӯзгорон  ва ҳам донишҷӯён  ҳамеша ба забони давлатӣ эҳтироми хоса зоҳир менамоянд.

16.10.2019 in Чорабиниҳо Comments (0)

ТАҶЛИЛИ  “РӮЗИ ФАЛАК” ДАР НОҲИЯИ РӮДАКИ

Санаи 3-юми октябри соли 2019 ба муносибати “Рӯзи фалак” дар толори Қасри фарҳанги ноҳияи Рӯдакӣ ҷамъомади идона, бо иштироки аҳли фарҳанги ноҳия, аз ҷумла мудири бахши фарҳанг Нариддин Очилдиев, сармуҳаррири рӯзномаи ноҳиявии “Насими айём” Рухшона Шобуддинова ва  устодону донишҷӯёни Коллеҷи фарҳанги ҷумҳуриявии ба номи П.Бӯйдоқов баргузор гардид.  Чорабинии сатҳи ноҳиявӣ бо сухани табрикотии директори муассисаи таълимӣ Идрис Оқилов оғоз гардида, номбурада доир ба  иқдомҳои фарҳангпарваронаи Асосгузори сулҳу ваҳдати миллӣ –Пешвои Миллат, Президенти Ҷумҳурии Тоҷикистон муҳтарам Эмомалӣ Раҳмон андешаҳояшон баён дошта, аз ҷумла қайд намуданд, ки дар асоси Фармони Президенти Ҷумҳурии Тоҷикистон  аз санаи 8 августи соли 2007 ҳар сол дар кишварамон саннаи 3-юми октиябр ҳамчун “Рӯзи фалак” таҷлил мегардад, ки  ба ин муносибат аҳли нишастро табрику муборакбод намуданд.

Дар фаҷоми суханронияшон Оқилов Идрис Сипосномаи маъмурияти Коллеҷи фарҳангро барои ҳамкории  судманд доштан   ба директори Коллеҷи техникию омӯзгории нохияи Рӯдакӣ Ширинзода Наҷмиддин тақдим намуданд.

Баъдан, барномаи консертии идона оғоз ёфт, ки дар он фалаксароёни машҳур, ба монанди Шоҳмаҳмад Қурбонмаҳмадов, Насриддин Очилдиев, Соҳибназари Асомиддин, Илҳомиддини Сироҷиддин , Мавлуда Шомуродова ва  дигарон сурудхонӣ карда, ба ҷамъомади идона шукуҳи хоса бахшиданд.

11.10.2019 in Навгониҳо Comments (0)

ТАҶЛИЛИ РӮЗИ ТАЪСИСЁБИИ ТЕЛЕВИЗИОНИ ТОҶИКИСТОН

ТАҶЛИЛИ РӮЗИ ТАЪСИСЁБИИ ТЕЛЕВИЗИОНИ ТОҶИКИСТОН

3-октябри соли 2019 аз таъсисёбии телевизиони Тоҷикистон 60-сол сипарӣ гашт. Ба ин муносибат аз ҷониби устодон ва донишҷӯёни кафедраи рӯзноманигорӣ ва китобдории Коллеҷи фарҳанги ҷумхуриявии ба номи П.Бӯйдоқов чорабинии хотирмони маърифтию фароғатӣ  баргузор карда шуд.

Дар толор устодон ва донишҷӯёни таълимгоҳ ҷамъ омада, аз баромади  донишҷӯён дар бораи таърихи пайдоиш, инкишоф ва рушди телевизион дар Тоҷикистон маълумоти фаровонеро ба худ гирифтанд.

Зимни баромадҳо зикр гардид, ки тилевизиони Тоҷикистон бо ҷидду ҷаҳд ва эҷодкорию навовариҳои кормандонаш дар таҳияи барномаҳо дар байни мардум маҳбубияти хоса пайдо кардааст.

Дар даврони соҳибистиқлолии Тоҷикистон бо ташаббус ва саҳми бевоситаи Асосгузори Сулҳу Ваҳдати Миллӣ-Пешвои Миллат,Президенти Ҷумҳурии Тоҷикистон муҳтарам Эмомалӣ Раҳмон ВАО-и кишвар, аз ҷумла телевизион рушду инкишоф ёфта, фазои итилоотии Тоҷикистонро имрузҳо 13 адад шабакаҳои телевизионии сартосарӣ ва зиёда аз 30-адад шабакаҳои телевизиони минтақавӣ пур менамоянд ва ба мардум ғизои маънавӣ мебахшанд.

Дар қисми дуюми чорабинӣ бо номераҳои суруду мусиқӣ ва рақсҳои зебо баромадкунандагон хотири ҳозиринро боз ҳам болида гардониданд.

Дар охир муовини директор оид ба таълим Аттоев Абдураҳмон суханрони карда ҷамъомадагонро аз номи директори Коллеҷи фарҳанги ҷумҳуриявии ба номи П. Бӯйдоқов Идрис Оқилов ба ифтихори 60-умин солгарди таъсисёбии телевизиони Тоҷикистон табрику муборакбод намуданд.

06.10.2019 in Навгониҳо, Чорабиниҳо Comments (0)