КОЛЛЕҶИ ФАРҲАНГ АЗ ПЕШТАРА ДИДА ИМРӮЗҲО ЗЕБОТАР ШУДААСТ

        Ба истиқболи   созовори 30-умин солгарди Истиқлолияти давлатии Ҷумҳурии Тоҷикистон ва саҳм гузоштан дар корҳои ободонӣ ва зебову назаррабо намудани муҳити зист,  рӯзи 28 09 2019  устодон ва донишҷӯёни Коллеҷи фарҳанги ҷумҳуриявии ба номи П. Бӯйдоқов бо роҳбарии директори муассисаи таълимӣ Оқилов Идрис ҳашар ташкил намуда, саҳни  таълимгоҳро  бо гулу гулбутаҳои ороишӣ ороста гардониданд, ки ин иқдоми наҷибибу шоиста боиси  дигаргун шудани ҳусни ин муассисаи таълимии соҳаи фарҳанг гардид.

       Дар рафти ҳашар дар назди роҳравҳо аз ҷониби устодону донишҷуён зиёда аз ҳазор бех гулҳои ороишї шинонида шуданд. Инчунин, ҳашарчиён бехи дарахтонро бо пуррагӣ  нарм  карданд. Имрӯз  синфхонаҳоро тозаю озода намуда, ба зебогии  таълимгоҳ зебогии тоза зам намуданд.

       Дар инҷрои чунин корҳои ободонию зебонигорӣ саҳми омӯзгорон Аттоев А, Шарипова Ш, Ҳасанов Б, Ҷафаров Ҷ, Раҷабов Ф, Ҷамолов З, Шоҳмаҳмадов Қ ва дигарон шоистаи таҳсин мебошад.

ГИРОМИДОШТИ ХОТИРАИ УСТОД АБУАБДУЛЛОИ РӮДАКӢ

         Бахшида ба 22-сентябр-Рӯзи  гиромидошти  Абуабдуллои Рӯдакӣ тибқи нақшаи чорабиниҳо ва супориши бевоситаи директори  Коллеҷи фарҳанги ҷумҳуриявии ба номи П.Бӯйдоқов Абдураҳимзода Идрис дар толори ин муассисаи таълимӣ бо иштироки устодон ва донишҷӯён чорабинии фарҳангию адабӣ доир гардид.

      Чорабинро ровиёни маҳфил бо қироати шеърҳо аз ашъори устод Абуабдуллои Рӯдакӣ ҳусни огоз бахшиданд. Баъдан, аз рӯи барнома донишҷӯёни риштаҳои китобдорӣ ва эҷодиёти халқ намоишномаи пурмазмунеро аз  рӯзгор ва осори  Рӯдакӣ пешкаши ҳозирин гарнониданд, ки аҳли толор ба хотири ҳунарнамоии баромадкунандагон кафкубиҳои бардавом заданд.

Бо ҳунари овозхонию навозандагии худ донишҷӯёни ихтисоси таълими мусиқӣ баромад карда, хотири аҳли толоро бо хондани сурудҳо аз эҷодиёти Рӯдакӣ боз ҳам болида гардониданд.

Аз ҷониби донишҷӯёни гурӯҳи рӯзноманигории муассисаи таълимӣ  рубоиётҳои баландмазмуни шоирони классики тоҷику форс хеле хуб қироат гардид, ки писанди аҳли нишаст гашт.

Бояд иброз намуд, ки чорабинӣ дар сатҳи баланд доир шуда, дар хотираҳо дер боз нақш хоҳад баст.

МИЗИ МУДАВВАР ДАР КОЛЛЕҶИ ФАРҲАНГ

Ба муносибати 28-солагии Истиқлолияти давлатии Ҷумҳурии Тоҷикистон санаи 6-уми сентсябри соли 2019 дар Коллеҷи фарҳангии ҷумҳуриявии ба номи П. Бӯйдоқов таҳти унвони “Дастовардҳои Тоҷикистон дар замони Истиқлолият” бо иштироки корманди Китобхонаи миллии Тоҷикистон Муҳаммаднабӣ Баёнӣ, маъмурияти таълимгоҳ, устодон ва донишҷӯён мизи мудаввар баргузор гардид.

Дар аввал ҳозирин тавассути монитор наворҳои ибратомӯзеро, ки инъикосгари бурду бохти солҳои аввали соҳибистиқлолӣ ва дастовардҳои зиёда аз ду даҳсолаи халқи тоҷик таҳти сарварии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад, тамошо намуда, таассуроти амиқ бардоштанд.

Баъдан, мизи мудаввар бо маърўзаҳои устодони таълимгоҳ, аз ҷумла Шаҳло Шарипова – ҷонишини директор оид ба тарбия,  Ҷафар Ҷафаров – декани факултаи таълими мусиқӣ ва менеҷменти соҳавӣ, Миралӣ Воҳидов-мудири кафедраи Китобхонашиносӣ ва рўзноманигорӣ, Саврия Қурбонова – омӯзгори фанҳои ихтисоси рузноманигорӣ, Муҳаммаднабӣ Баёни – корманди китобхонаи миллии Тоҷикистон ва дигарон идома карда, зимни суханрониҳо аз ҷумла зикр шуд, ки 9-уми сентябри соли 1991 Тоҷикистон Истиқлолияти давлатии худро эълон дошт, кишварҳои мухталифи ҷаҳон давра ба давра Тоҷикистонро ҳамчун давлати мустақилэътироф намуданд. Тоҷикистон ҳамчун кишвари демократӣ, ҳуқуқбунёд ва дунявӣ рушди бесобиқа пайдо кард.

Ҳамзамон имрӯз дар муассисаи таълимӣ намоиши китобҳо, банерҳое, ки тараннумгари Истиқлолияти давлатӣ мебошанд, ташкил карда шуд, ки аз он ҳам устодон ва ҳам донишҷӯён дидан карданд.

ДАР КОЛЛЕҶИ ФАРҲАНГ ҶАМЪОМАДИ ТАНТАНАВӢ ДОИР ГАРДИД

          Ба муносибати Рӯзи дониш санаи 1-уми сентябри соли 2019 аз субҳи барвақт устодону донишҷӯёни  Коллеҷи фарҳанги ҷумҳуриявии ба номи П.Бӯйдоқов ба муассисаи таълимӣ омада, саршавии соли хониши 2019-2020-ро ба ҳамдигар табрику муборакбод намуданд. Баъдан онҳо ба толори  Коллеҷ воирид шуда, дар якҷоягӣ суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро, ки  дар Донишкадаи идоракунии давлатии назди Президенти Ҷумҳурии Тоҷикистон садо дода, тавассути оинаи нилгун мустақиман пахш гардид, шуниданд.

               Баъд аз анҷом ёфтани суханронии Пешвои миллат устодон ва донишҷӯён дар саҳни  таълимгоҳ  Коллеҷ ҷамъ омаданд, ки онҳоро Роҳбари дастгоҳи Вазорати фарҳанги Ҷумҳурии Тоҷикистон Мавҷуда Холова аз номи Ҳукумати Ҷумҳурии Тоҷикистон ба ифтихори  Рӯзи дониш табрику муборакбод гуфта, ба ҳозирин хониши аъло, аз худ намудани ҳунар, риояи интизоми намунавӣ ва саломатию комёбиҳо таманно намуданд.

             Директори Коллеҷи фарҳанги ҷумҳуриявии ба номи П.Бӯйдоқов Абдураҳимзода Идрис устодону донишҷӯёнро бо фарорасии соли нави хониш шодбош гуфта, ба омӯзгорон дар кори таълиму тарбияи шогирдон барору комёбиҳо орзу намуда, ба донишҷӯён барои аз худ намудани  маърифату ҳунар мувафаққиятҳо таманно намуданд.

Ҷамъомади тантанавӣ бо суханрҳои шодбошии устодону донишҷӯён идома намада, ба ҳозирин таассуроти нек бахшид. М.Воҳидов