ТОҶИКИСТОН — ВАТАНИ АЗИЗИ МАН

    Дар асоси Амри Президенти Ҷумҳурии Тоҷикистон аз 16 ноябри соли 2018, № АП 11-27 дар бораи гузаронидани Озмуни ҷумҳуриявии “Тоҷикистон – Ватани азизи ман” санаи 24-уми апрели соли 2019 даври ноҳиявии ин Озмун дар толори Қасри фарҳанги ноҳияи Рӯдакӣ доир гардид.

         Дар ҷараёни озмун ба ғайр аз ҳайати ҳакамон, муовини раиси ноҳия Фирӯза Камолзода, мудири шуъбаи рушди иҷтимоӣ ва робита бо ҷомеа Маҳмадализода Маҳмадшарифи Холзод, директори Коллеҷи фарҳанги ҷумҳуриявии ба номи П.Бӯйдоқов Оқилов Идрис ва дигар ҳаводорони фарҳанги беназирамон аз ҷумла, аҳли маориф, падару модари баромадкунандагони озмун иштирок намуданд.

         Озмуни “Тоҷикистон – Ватани азизи ман” ба муносибати сазовор пешвоз гирифтани ҷашни 30-солагии Истиқлолияти давлатии Тоҷикистон баргузор гардида, мақсади он дарёфти истеъдодҳои нави соҳаи санъат, баланд бардоштани маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди мусиқии нав, ва инчунин таълифи ашъори баландғоияи ватандӯстона, дарёфти беҳтарин намунаҳои оҳанг ва сурудҳои тараннумгари дастовардҳои Истиқлолияти давлатӣ, саҳми Президенти Ҷумҳурии Тоҷикистон Эмомалӣ Раҳмон дар эъмори давлатдории навини тоҷикон тарғибу ташфиқи анъанаҳои арзишманди миллию мероси пурғановати ниёгонамон мебошад.

         Барои дар озмун иштирок кардан, наврасону ҷавонони сершумори фарҳангдӯсти ноҳияи Рӯдакӣ аз муассисаҳои таълимӣ номнавис шуда, онҳо аз рӯи номинатсияҳои оҳангсоз, навозанда, сароянда, ровӣ, шоир ҳунару истеъдои худро ба ҳакамон ва аҳли толор нишон доданд.

         Бояд иброз намуд, ки дар қатори дигар баромадкунандагон донишҷӯёну хонандагони литсейи назди Коллеҷи фарҳанги ҷумҳуриявии ба номи П.Бӯйдоқов ҳам дар озмуни “Тоҷикистон-Ватани азизи ман” фаъолона иштирок карда, 4 нафари онҳо Асомиддинова Зукира, Қодирзода Умар, Очилдиев Аёмиддин ва Машрабов Муҳаммад бо истеъдод ва маҳорати баланди худ баромад намуда, ба даври ҷумҳуриявии озмун роҳхат гирифтанд.

         Озмуни “Тоҷикистон – Ватани азизи ман” дар ноҳия бо дастгирии Мақомоти иҷроияи ҳокимияти давлатии ноҳияи Рӯдакӣ аз тарафи шуъбаи фарҳанги ноҳия дар сатҳи баланд доир гардид.

Миралӣ Воҳидов

          Бо мақсади бурдани корҳои фаҳмондадиҳӣ аз оқибатҳои фоҷеабарӣ, экстремизму терроризм байни ҷавонон. Вохӯрии навбатии намояндаи хадамоти пешгирии ҳуқуқвайронкунии ноболтғон ва ҷавонони ШВКД -1 – и ноҳияи Рӯдакӣ, лейтинати милитсия Бахтиёр Мирзоев, роҳбари гурӯҳи ҷавонони “Авангарди” – и ВКД – и Ҷумҳурии Тоҷикистон Фирӯз Қодиров санаи 22-юми апрели соли 2019 бо донишҷӯёну хонандагони Литсейи назди Коллеҷи фарҳанги ҷумҳуриявии ба номи П.Бӯйдоқов доир гардид.

         Вохӯриро муовини директор оид ба таълим Ҷаъфаров Ҷафар ифтитоҳ бахшида, риштаи суханро ба меҳмонон дод.

         Кормандони мақомоти ҳифзи ҳуқуқ бо навбат доир ба хотири терроризм ва экстремизм ба ҷомеа, зуҳуроти манфии ҷомеа, тундгардию бегонапарстӣ андешаҳояшон баён карда, аз аҳли толор хоҳиш намуданд, ки бештар ба омӯзиши илму ҳунар машғул гарданд. Аз шабакаҳои иҷтимоӣ оқилона истифода бурда, сатҳи маърифати худро баланд бардоранд. Ба қадри давлати ободу осудаи худ бирасанд ва ҳамчун шаҳрвандони номбардори Ватану миллати худ ба камол расанд

         Бояд иброз намуд, ки чунин ҷамъомадҳои маърифатбахшанда бо супоришу дастгирии директори Коллеҷи фарҳанги ҷумҳуриявии ба номи П.Бӯйдоқов Идрис Оқилов дар ин муассисаи таълимӣ ҳамеша доир мешаванд.

         Ҳадафи дигари ташкили чунин вохуриҳо маҳкум намудани ҳамагуна падидаҳои номатлубу манфӣ дар байни ҷомеа мебошад.

   Миралӣ Воҳидов

         Ба истиқболи ҷашни фархундаи 30 – солагии Истиқлолияти давлатӣ дар ноҳияи Рӯдакӣ имрӯзҳо корҳои ободонию созандагӣ вусъати тоза пайдо кардааст.
Махсусан, рӯзҳои шанбе аз тамоми ташкилоту идораҳо ва муассисаҳои гуногуни ҳудуди ноҳия кормандон ба ҳашар баромада, саҳми худро барои бо дастовардҳои шоиста истиқбол намудани ҷашни дар боло зикргардида мегузоранд.
Аз ҷумла, бо ҳидоят ва супориши директори Коллеҷи фарҳанги ҷумҳуриявии ба номи П.Бӯйдоқов Оқилов Идрис, донишҷӯёну устодони таълимгоҳ дар корҳои ободонии ноҳия ҳамроҳ шуда, саҳми худро барои тозаю зебо нигоҳ доштани ҳам муассисаи таълимӣ ва ҳам маркази ноҳия мегузоранд.
Санаи 20-уми апрели соли равон бо роҳбарии муовини директор оид ба тарбия Ҳасанов Бобохон ва мудирони кафедраҳо, омӯзгорону донишҷӯён ба ҳашар баромада, гирду атрофи китобхонаи марказӣ, кӯчаҳои шаҳраки Сомониёни маркази ноҳия, саҳни таълимгоҳ ва боғи Ғалабаро тозаву озода намуда, бехи дарахтонро нарм, ҷӯйборҳоро аз партовҳо тоза карданд, инчунин ба кормандони китобхонаи марказии ноҳия ёрии амалии худро расониданд.

МАҲФИЛ БАХШИДА БА ЗОДРӮЗИ УСТОД САДРИДДИН АЙНИ

17-уми апрели соли 2019 аз ҷониби аъзоёни маҳфили “Посдории забон – посдории миллат” – и литсеи назди Коллеҷи фарҳангии ҷумҳуриявии ба номи П.Бӯйдоқов ба ифтихори гиромидошти зодрӯзи устод Садриддин Айнӣ мизи мудаввар бо роҳбарии муаллимаи фанни забон ва адабиёт Шарифова Шаҳло доир гардид. Иштирокчиёни маҳфил дар бораи рӯзгор, фаъолияти адабӣ, публитсистӣ ва илмии устод С. Айнӣ маърӯзаҳо намуданд. Дар маҳфил зикр шуд, ки Садриддин Айнӣ 15-уми апрели соли 1878 дар деҳаи Соктареи вилояти Бухоро таваллуд ёфтааст, ӯ таҳсили ибтидоиро нахуст дар назди Бибихалифа, дар мактаби духтарона оғоз кард, дар онҷо хатту савод баровардааст. Баъдан, дар мадрасаҳои Мири Араб, Бадалбек, Хоҷа Зоҳид, Кӯкалтош дар назди донишмандон таҳсил намудааст.

Дар маҳфил инчунин, доир ба дигар паҳлӯҳои мероси илмӣ ва адабии устод С. Айнӣ маълумотҳо ироа шуданд, ки иштирокчиёни мизи мудаввар ғизои маънавӣ гирифтанд.